Pebrero 21, 2012
Ni Madam Rosa
Pagtitibay: Ang pagnanais, pananalig, pag-ibig, pagsisikap, romansa at pag-asa ang mga emosyon na magsisilbing daan para matamo ang tagumpay sa buhay.
PISCES (Pebrero 19 - Marso 20) – Sa pagkadulas ng dila, maaari kang makasakit ng damdamin ng iba na dapat bantayan. Iwasan ang maging mapagpuna. Maging alerto dahil magiging lapitin ka ng mga taong may hangaring manlinlang. Lucky numbers at color of the day ay 1, 15, 19, 34 at jade green.
ARIES (Marso 21 - Abril 19) — Magiging pangkaraniwan ang takbo ng mga pangyayari. Isang matalik na kaibigan ang hihingi ng tulong na dapat hindi pagkaitan. Ang maging tapat sa pakikitungo sa kapwa ay may gantimpala na makakamit. Iwasan ang maluhong mga barkada. Lucky numbers at color of the day ay 4, 7, 22, 25 at electric blue.
TAURUS (Abril 20 - Mayo 20) – Kung may suliranin, makakahanap ng tamang solusyon. Napapanahon para ibaling ang pansin sa sariling kapakanan. Walang magiging sagabal kung ilalagay sa maayos ang lahat. Ikaw ang magsisilbing halimbawa. Sa pamilya o kasamahan. Lucky numbers at color of the day ay 3, 4, 14, 31 at mahogany.
GEMINI (Mayo 21 - Hunyo 21) – Ang pamamalagi sa tahanan ay magbibigay ng lubos na kasiyahan. Labis na pagpupuyat ang magdudulot ng hindi maganda sa kalusugan. Ang magtiyaga ay may kapalit na tagumpay. May surpresang naghihintay. Lucky numbers at color of the day ay 6, 10, 17, 26 at orange.
CANCER (Hunyo 22 - Hulyo 22) – Samantalang nag-iisip ka ng paraan sa mga gawain, may mang-aasar o mangungulit kaya pasensiya at hinahon ang dapat gawin. Magiging masaya ang pamilya sa mga binabalak. Matutupad ang pangako o naipangako. Isang surpresa ang matatanggap. Lucky numbers at color of the day ay 4, 17, 22, 30 at white.
LEO (Hulyo 23 - Agosto 22) – May lihim kang tagahanga. May pakinabang ang nilalakad na transaksyon. Pakinggan ang kutob bago magpasya at tiyak hindi magkakamali. Pagtuunan ng pansin ang pag-aaral kung gustong makamit ang mataas na grado. Lucky numbers at color of the day ay 4, 5, 10, 12 at platinum pink.
VIRGO (Agosto 23 - Setyembre 23) – Mapapaunlad ang pakikipag-ugnayang sosyal kung pagsisikapan. Ang tipanan sa pag-ibig ay kailangan ipagpaliban upang walang maganap na sama ng loob. Bigyan ng pansin ang pakikipag-ugnayan sa komunikasyon. May gantimpalang nakalaan sa trabaho. Lucky numbers at color of the day ay 9, 14, 19, 27 at sun yellow.
LIBRA (Setyembre 24 - Oktubre 23) – Mag-ingat sa pagkagiliw sa pagkaing matatamis, labis ang mantika at maalat. Ang biglaang pangangailangan ay madaling matutugunan kung pagsisikapan. Walang masasayang na sandali sa pagtupad ng tungkulin. Lucky numbers at color of the day ay 1, 7, 21, 29 at garnet red.
SCORPIO (Oktubre 24 - Nobyembre 22) –Matutong makibagay at makiisa sa mga kasamahan. May bagong pag-ibig na darating sa iyong buhay. Makakatulong sa problema ang kaibigan kung kakailanganin. May ilan kang kaibigan na hindi mapagkakatiwalaan kaya ibayong ingat sa bawat hakbang at kilos. Lucky numbers at color of the day 2, 8, 27, 30 at dollar green.
SAGITTARIUS (Nobyembre 23 - Disyembre 21) – Paglabanan ang kalituhan na nadarama. Huwag magpadalus-dalos at magpatangay sa emosyon ng damdamin. Isang mapagmalasakit na kaibigan ang makakatulong sa suliranin. Lucky numbers at color of the day ay 5, 6, 11, 27 at red.
CAPRICORN (Disyembre 22 - Enero 19) – May katunggali ka sa napupusuang dilag o binata. May malaking pag-asa na magtagumpay sa iniibig. Pairalin ang kahinahunan at maging maginoo sa anumang bagay. Makikilala mo ngayon ang iyong soulmate o twin flame. Lucky numbers at color of the day ay 6, 10, 19, 23 at violet.
AQUARIUS (Enero 20 - Pebrero 18) – Walang dapat panghinayangan sa mga pangyayaring naganap. Hangga’t maaga ay magising ka sa katotohanan sa maling desisyon. Maging aral ang karanasang naganap. Maganda at maunlad kung magsisimula ng negosyo. Lucky numbers at color of the day ay 2, 15, 18, 24 at aquamarine.
Source : http://www.philstar.com
Walang komento:
Mag-post ng isang Komento